അപ്‌സരസ്സ്
എങ്ങുനിന്നോ പറന്നെത്തിയൊരപ്‌സര
കന്യയന്നേകയായെന്നങ്കണത്തില്‍
ഞാനറിഞ്ഞീലവള്‍ ചൊല്ലിയ മന്മഥ
മന്ത്രത്തിലെന്നെ മറന്നുപോയ് ഞാന്‍
തെല്ലുനേരം കൊണ്ടോക്കെ കവര്‍ന്നവള്‍
പാടിയപാട്ടിലെന്നന്തരംഗം
ഞങ്ങളനുഭൂതിയായ് പറന്നങ്ങിനെ
നീല വിഹായസ്സിന്‍ സ്വചഛതയില്‍
പിന്നെ മടിയിലിരുത്തിപ്പറന്നവള്‍
നക്ഷത്ര രാജ്യത്തു ചെന്നിറങ്ങി..
*********************
ആരോ ഒരാള്‍
മനസ്സിന്‍ മായാ വാതില്‍
തുറക്കാനാരാനുള്ളൂ..?
നഭസ്സില്‍ ഗഹനമി-
ന്നളക്കാനാരാനുള്ളൂ..?
****************
ചങ്ങാതി
കുട്ടിളോടൊത്ത് പാട്ടുപാടും
മാമര കൊമ്പിലെ പാട്ടുകാരാ
കാട്ടിലെ തേന്‍ കവര്‍ന്നിങ്ങുവന്ന
കട്ടുറുമ്പെങ്ങിനെ നിന്‍ ചങ്ങാതിയായ്..?
************************
Labels: കവിത
Subscribe to:
Post Comments (Atom)
8 പേര്‍ അഭിപ്രായം അറിയിച്ചു താങ്കളോ..?:
അപ്‌സരസ്, ആരോ ഒരാള്‍ , ചങ്ങാതി
മൂന്നു കുഞ്ഞുകവിതകള്‍
ഈ പോസ്റ്റിന്റെ ഉത്ഘാടനം ഞാനായിട്ടു തന്നെ നടത്തിയേക്കാം...
:)
മൂന്നു കവിതകളും നന്നായിട്ടുണ്ട്...
ഒന്നാമത്തെ കൂടുതലിഷ്ടമായി.
നന്ദി ശ്രീ,
സാന്ദര്‍ഭികമായി പറഞ്ഞു കൊള്ളട്ടെ, എന്നപോലുള്ള പുതിയ ബ്ലോഗര്‍‌മാര്‍ക്ക് താങ്കളെ പോലുള്ളവരുടെ തൂവലുകളും , കൂവലുകളും തന്നെയാണ് കുടുതല്‍ എഴുതാനും പോസ്‌റ്റാനും പ്രചോദനമാകാറുള്ളത്.
തുടര്‍ന്നും അഭിപ്രായം അറിയിക്കല്ലോ..
simple ones...and nice too
കുഞ്ഞുകവിതകള്‍ ഇഷ്ടായി.
'നഭസ്സിന്‍' എന്നാണോ വേണ്ടത്?
കുഞ്ഞു കവിതകള്‍ ഇഷ്ടമായി.അവസാനത്തേത് ഈണത്തില്‍ ചെറിയ കുട്ടികള്‍ക്ക് ചൊല്ലിക്കൊടുക്കാന്‍ പറ്റിയതാണ്.
പ്രിയ, ജിം , മുസാഫിര്‍,
അഭിപ്രായമറിയിച്ചതിനു വളരെ നന്ദി..
Post a Comment